अशी बायको भेटली का ?

दिवसभर करून वदवद
तरीही हसते गदगद
साधी भोळी आहे राहाया
सुंदर सुंदर तिची काया
सांगा बरं तुम्हाला
अशी बायको भेटली का ?

फोनवर तिची नुसती बडबड
रागात मोडते बोटं कडकड
पाय घसरून रोजचं पडते
दिवसात एकदातरी मुळूमुळू रडते
सांगा बरं तुम्हाला
अशी बायको भेटली का ?

खाऊन खाऊन झाली लठ्ठ

साड्यांसाठी करते हट्ट
मेकअप चढवून हळूच लाजते
मला मात्र वाघीण भासते
सांगा बरं तुम्हाला
अशी बायको भेटली का ?

रोजचीच असते तिची कुरकुर
ठरलेला असतो एकच सूर
मी आहे म्हणून निभावलं
म्हणते तुम्ही काय कमावलं
सांगा बरं तुम्हाला
अशी बायको भेटली का ?

छटाकभर काम दिवसभर पुरवते
एकच माळ सगळीकडे मिरवते
कशी असली तरी तीच माझी शान
सोबत आहे म्हणून नाही कशाची वाण
सांगा बरं तुम्हाला
अशी बायको भेटली का ?

- राणी अमोल मोरे