Search This Blog

Monday, July 27, 2020

सजलं शिवार



कष्टाने तुझ्या रे सजलं शिवार
नटली धरणी झाला किती भार
हाकेला सर्जा राजा तुझ्या आज
मुके सवंगडी घाली स्वप्नाला साज
आहे रे तू माझ्या जीवाचा पोशिंदा
भरगोस धान्य पिकेल तुला यंदा

डोळ्यात तुझ्या कष्टाची ती झोप
घाई घाई उगवलं हिरवं रोप
बघताच तुला शेताच्या बांधावर
डुलु लागलं रान वाऱ्याच्या झोतावर
आहे रे तू माझ्या जीवाचा पोशिंदा
भरगोस धान्य पिकेल तुला यंदा

वाढलं पिक जणू लेकरू वयात
पाहून त्याला बाप सुखी होई मनात
राखणासाठी तुझा दिनरात पहारा
ढगाचे नयन भिजले पाहून पसारा
आहे रे तू माझ्या जीवाचा पोशिंदा
भरगोस धान्य पिकेल तुला यंदा

डोळ्यातल्या मायेने शिवार पिकलं
त्यागाच्या त्या मातेने पिवळं नेसलं
राजा तुझ्या कुळाला पोटभर घास
हाच त्या मातीचा दिनरात ध्यास
आहे रे तू माझ्या जीवाचा पोशिंदा
भरगोस धान्य पिकेल तुला यंदा

- राणी अमोल मोरे 



#सजलं शिवार गीत 

10 comments:

  1. ह्रुदयस्पर्षी कविता 👌

    ReplyDelete
  2. बळीराजाला समर्पित उत्तम काव्य.

    ReplyDelete
  3. शेतकरी राजाला नैसर्गिक संकटातून धीर आनी आधार देणारी तसेच सुखद आशेचा किरण दाखवणारी एक उत्तम कविता ..

    ReplyDelete
  4. खरच भरगोस धान्य पिकेल यंदा

    ReplyDelete
  5. खरच भरगोस धान्य पिकेल यंदा

    ReplyDelete
  6. खूपच जिवंत काव्य.शेतात जाऊन बळीराजाला भेटून आल्याचा भास झाला! छान

    ReplyDelete

Your valuable comments are highly appreciated and very much useful to further improve contents in this Blog.

Recent Posts

पर्यावर्णिय बदल, मानसाच्या जाती आणि आरक्षणे

सध्या परिस्थितीचा विचार लक्षात घेता असे दिसून येते की मानसाला भविष्यामध्ये स्वत:ला माणूस म्हणून टिकून राहण्यापेक्षा स्वत:च्या जाती धर्मांची ...

Most Popular Posts